Goodyear şirkətinin tarixi 1898-ci ildən başlayır. Şirkət vulkanlaşdırılmış rezinin ixtiraçısı Çarlz Qudyearin şərəfinə adlandırılıb. 1908-ci ildə isə Goodyear Tire&Rubber Co şirkəti dünyada ilk kütləvi avtomobil olan Ford T üçün təkərlər tədarük etməyə başlayıb. 1909-cu ildə isə Goodyear aviasiya texnikası üçün ilk pnevmatik şinləri istehsal etməyə başladı. 1911-ci ildən isə şirkət dirijablların layihələndirilməsinə start verir. Sonralar 1-ci dünya müharibəsi illərində ABŞ ordusunun müşahidə aparmaq üçün istifadə etdiyi dirijabl və aerostatlarla ordunu təchiz edirdi.

1926-cı ildə “Goodyear” artıq dünyanın ən böyük şin istehsalçısı idi. 1930-cu ildə şirkət böyük olmayan təyyarələr üçün aşağı təzyiqli şin istehsalına start verir. Sonrakı 60 ildə “Goodyear” çoxmilyardlıq gəlirə mailk multinasional korporasiyaya çevrilir.

2-ci Dünya müharibəsi illərində “Goodyear” F4U Corsair adlanan qırıcı-təyyarələrin istehsalını gerçəkləşdirir.

1969-cu ildə şirkətin gəliri 3 milyard dollara çatır. 5 il sonra isə bu rəqəm artıq 5 milyarda çevrilir. Şirkətin həmin dönəmdə dünyanın 34 ölkəsində zavodları var idi. 1985-ci ildə şirkətin qlobal gəliri 10 milyardı keçdi.

2008-ci ildə “Goodyear” şirkəti “Forbes” jurnalının və “Reputation Institute” analitik mərkəzinin versiyasına görə, yekun siyahıda 16-cı olmaqla Amerikanın ən nüfuzlu şirkətlərindən biri seçilib. Elə həmin ildə “Fortune” jurnalı “Goodyear” şirkətini avtomobil üçün ehtiyat hissələri istehsalında ən uğurlu şirkət nominasiyası üzrə qalib elan edir. “Audit Integrity Inc.” və “Forbes” jurnalı Amerikanın ən etibarlı şirkətlkəri siyahısında “Goodyear” şirkətini 6-cı yerdə qərarlaşdırırlar. “The Wall Street Journal” isə “Goodyear” şirkətini avtomobil kateqoriyasında səhmdarlar üçün ən gəlirli şirkət kimi bəyan edir.

Goodyear şinləri Ayın səthinə toxunan ilk şinlərdir. 1971-ci ildə Ayın səthinə enən lunaxod Apollon-14 stansiyası məhz Goodyear XLT təkərləri ilə təchiz olunub. 2010-cu ildə “Goodyear” şirkəti Marsda və Ayda istifadə oluna biləcək iri nəqliyyat vasitələrinə quraşdırıla biləcək havasız şinlərin istehsalına görə “R&D 100 Award” mükafatını qazanır.

Hal-hazırda təkər brendi Goodyear dünyada çox geniş yayılıb eyniadlı şirkət isə dünya şin nəhənglərindən biri hesab olunur. Goodyear Tire&Rubber Co şirkətinin çətiri altında Goodyear, Dunlop, Fulda, Kelly, Sava və Debica adlı markalar birləşir.